小圈子選舉產生嘅三個特首，昨日再因小圈子選舉聚首一堂，出席只有千幾人有權投票嘅港區人大選舉。
挺梁嘅老董，噚日表情多多，經常主動撩煲呔密斟，更一度笑到面容扭曲（圖）。唔知係咪因為見到倒梁大將范徐麗泰冇好收場？眼見老董笑到興奮忘形，唔係同一陣營嘅煲呔，一直緊皺眉頭落晒形。正所謂：道不同不相為謀，八方當然好明白，煲呔點解愁眉苦臉嘅。陳奕釗攝