紐約人大前鋒A史杜達米亞，喺球季11月開始冇耐就傷到家，周二終於可以練番波。可能因為今季球隊冇咗佢打得仲好咗，令到A米練波當日同記者話，只要球隊贏到波，自己打第6人都冇所謂。不過，雖然已經可以練波，但係呢位前太陽球員都唔知自己幾時先可以復出。記者問教練活臣，後者就話等A米狀態好啲先算喎。