張敬軒近日被指約滿環球將轉投英皇，昨日軒仔和羅力威等在尖沙嘴出席活動，軒仔由環球工作人員陪同。軒仔被問到是否加盟英皇？他只說與環球仍有一張唱片，現主力做好唱片：「好多嘢大致有方向，但遲啲話畀大家知，唯一可以講係好愉快嘅轉變。」
軒仔坦承環球以1,500萬挽留，但錢不是最大考慮：「我有愧於Duncan（環球高層黃劍濤），過去佢畀好多時間我喺錄音室上，好包容同支持我，但我喺呢間公司已十年，再唔走公司就要畀長期服務金我。」
軒仔否認因密友關智斌關係過檔英皇：「佢完全冇畀意見，係好close朋友，盡量少講工作。」有指他與古巨基風格不同以免競爭，軒仔稱從來不覺自己會威脅任何人。英皇高層吳雨否認為軒仔賠200萬贖身，大讚軒仔有才華，想與他合作。
採訪、攝影：溫敏芝