中銀國際副執行總裁謝湧海從事金融業超過30年，做埋今個月，明年1月1號就榮休。聽講，中銀國際其中一個部門今個星期一就喺九龍一間酒樓同謝總搞咗個歡送晚宴，謝總喺行內咁有地位，拜拜飯局可能要食到過年。
專注金融發展局？
謝湧海喺中銀做過好多部門，甚至調過去倫敦同東京分行工作，熟識國際金融市場運作，當年亦係港股直通車發起人之一，近年香港政府搞人民幣國際化，佢亦提過好多建議，CY上場後要搞金融發展局，又預埋佢做籌備小組成員。
籌備小組就快要提交報告，釐清金融發展局角色，遲吓又會搵人入董事會，謝總退休之後，照計有時間做多啲公職喎。
李華華
mailto:[email protected]