馮仁昭四圍超:無綫諗新計仔吸金 - 馮仁昭

馮仁昭四圍超:無綫諗新計仔吸金 - 馮仁昭

無綫高層李寶安之前話近年免費電視收入越嚟越艱難,所以反對政府再發免費電視牌,為咗開源賺錢,近年無綫從唔同途徑吸水,馮仁昭聽聞又有新計仔,佢哋搵歌星唱電視劇主題曲,不過今次保證晚晚播晒主題曲,加上黃金時間播,實有宣傳效用,要唱片公司畀錢,當喺黃金時段賣廣告,聽聞有公司有興趣,但亦有啲覺得唔着數拒絕。無綫外事部副總監曾醒明噚日否認,強調同唱片公司合作冇收錢,大家只想推動樂壇。
撰文:馮仁昭