網民列舉末日倒數前，心思思想做的事。包括：
學梁振英僭建。學陳茂波去完馬會（但唔恨入會）酒駕。
講偽語。扮莫言。
測試自己是不是好打得。去髮廊問師傅做唔做釋法。
無錢買樓所以欣然自薦入行會代替淋糞個位。
連人帶姓改名做習近平。幫埋阿媽改名做齊心。
開始「信教」。相信國教已經洗牌流入社區人傳人，下一代，走唔甩。
今明兩天，謝絕所有ｉ產品。
橫死掂死，佔領西環。
丟晒所有書落街。（這是六歲細路的白色願望）
不用上班上學，直至全球解除末日警報為止。
即刻分手掟煲，冇借口再拖，你不是Pi，對方不是老虎，死開好了。
一年到晚放煙花，網民等住有錢佬富貴浮雲，燒銀紙當煙花，接力燒，向末日說：滾回去！