今年韓風吹得特別勁，騎馬舞大叔PSY紅遍全球，早排又有熱爆組合BIGBANG來港開騷，估唔到恒基地產（012）一班高層亦愛上韓風，老闆四叔李兆基話請佢哋聖誕、新年去旅行，佢哋一致揀去南韓首爾。
層出外旅遊當作獎勵，曾經去過澳洲、日本，舊年近近哋去廣州同澳門，今年一班高層想飛遠啲，揀咗南韓。
副經理級以上有份
副經理級以上嘅都有份，連埋家人今年有近200人出發，所以要分開三批，分別喺下周聖誕、明年1月新年同農曆，新年出發，每團都去足五日，有得滑雪，都幾爽。
明年加薪起碼4%
過四叔應該唔會同班高層一齊去首爾，事關佢老人家會放假同家人去旅行玩番轉，過年先返喎。
唔知四叔喺離港前，會唔會向員工宣佈明年加薪消息先呢？事關恒地每年1月1號調整薪酬，最遲下星期一定會通知所有員工明年加幾多，聽聞平均加薪起碼有4%，總之一定多過國泰航空（293）話加2%畀佢哋啲空中服務員。
咁都啱，恒地今年淨係賣烏溪沙迎海一期同元朗尚悅，至少套現60億，未來半年又話有市值100億嘅新盤推售。
生意咁好，梗係要加多啲人工啦。
李華華
mailto:[email protected]