【《蘋果》直擊】
《蘋果》早前揭發永興油行採用北大荒食油，兌溝轉售食肆，並驗出其中有樣本含地溝油物質苯並〔a〕芘後，北大荒副主席袁子輝曾聲稱終止與永興合作，揚言食品是「講良心的行業」。
當食環署昨日公佈化驗報告，顯示地溝油或另有源頭後，袁子輝則別有一番解讀。他一臉無奈說：「（那兩項樣本超標的油）我哋連代理都唔算係，純粹做包裝咋！」他指出有問題的金帝濃香花生油，並非由北大荒生產，公司僅負責將該油入罐及包裝。他強調北大荒只入口菜油，品質更獲加拿大公證行認可，他對公司產品極有信心。
「如果我哋啲油真係有問題都唔會畀我哋賣啦！」袁理直氣壯說，食環署至今未派員聯絡北大荒，又炮轟：「食安中心就唔啱啦，又唔講明係邊隻油有問題，以為我哋自己嘅油有事呀！」他強調今次風波後，北大荒將開始測試食油會否含有質苯並〔a〕芘。
廠內衞生環境惡劣
北大荒極力否認食油出事，但自從《蘋果》發現永興是從北大荒入貨後，過去兩個月一直追蹤該公司供貨情況。其位於屯門廠房平日相當神秘，門外亦沒有顯示公司名稱，10月尾，有大批內地人進內考察，到處拍照。當時所見，廠房內衞生環境不理想，不但傳來陣陣油膉味，而且食油入罐的喉管佈滿黑漆漆的污迹，令人惡心。
《蘋果》記者