東亞銀行（023）前副行政總裁彭玉榮大學時已經係攝影發燒友，三年前退休，之後只係做高級顧問，多咗時間周遊列國兼發展個人興趣。佢最近向朋友傳送電子聖誕卡，呢張雪景靚相，就係佢喺北海道度假勝地二世古嘅作品，真係仲靚過明信片。
DBC「就嚟有改變」
彭總話，相中背景係以溫泉同滑雪馳名嘅羊蹄山，佢今年2月去咗二世古滑雪，當時瑞雪初降，銀裝遍地，佢把握短暫陽光，舉機捕捉大自然優美一刻，所以趁佳節臨近，特別以此作禮，同朋友分享白色聖誕。
身兼數碼廣播（DBC）董事嘅彭總，提到停播中嘅電台，話「就嚟有啲改變」，但就賣關子，唔肯多講。睇來呢單嘢仲有精采下文。