外國有人為了世界末日而恐慌囤糧，香港人又是如何回應末日？
金魚缸：「20121221係末日？乜有呢隻冧巴嘅末日輪㗎咩？行使價幾多？六叔有無推介？」
男人：「20121221係末日？唔會㗎，我都唔係嗰日結婚嘅。」
女人：「20121221係末日？shit！唔係啩！我仲有幾張facial coupon未用晒喎！」
亞視：「20121221係末日？乜已經宣佈咗，嗰日會發新牌啦咩？氣又次你，喎要再跳多次騎馬舞先！」
藝人：「世界末日？邊個講㗎？瑪雅人？佢有無搵閉路電視錄低餅帶先？你無帶就唔好亂講啊！」
CY：「有關世界末日嘅問題，我希望你哋用書面嚟提問，我會再書面回答。如果真係有世界末日，我會搵認可嘅專業人士，盡快修復佢。由於我第一次處理世界末日嘅問題，我係無意識到我要通知屋宇署嘅同事。如果之後發現，原來係無世界末日，我覺得呢個只係瑪雅人一時疏忽，而唔涉及誠信問題。」
梁詩詩：「瑪雅人話世界末日，完全正常。世界當然要與時演進，有始有終，如果唔係，我哋可能仲活喺冰河時期，同恐龍一齊，受大清律例束縛。真係恐怖過白色恐怖。」
律政司：「關於世界末日嘅定義，係非常複雜，茲事體大，我建議瑪雅人應該向人大釋法，消除社會對呢方面嘅疑慮。當然瑪雅人嘅意見我哋係非常尊重，呢個提議亦唔係想俾壓力佢哋。瑪雅人繼續享有預言獨立嘅權力。」
成大哥：「如果你瑪雅人可以搞世界末日，但唔傷害一個人，我就話你係天才！」
五百港女：「世界末日要嚟？老老實實，你世界末日如果俾少過五百蚊人情，你就真係唔好嚟喎！」
唐唐：「世界末日要嚟？你．呃．人。」