【供應緊張】
做冬大過年，中國人極重視的冬至周五便到臨，家家戶戶多趁節目歡聚吃飯，令餸菜尤其活雞價格大升逾30%，一隻雞零售價隨時要200多元；而酒樓訂枱情況也較平日多40%，部份更一晚開兩輪枱來應付，「今年生意麻麻，希望年尾衝刺」。
劏雞過節是本地家庭的傳統習慣，街市近日活雞供應已開始緊張，「有啲熟客一早開始訂雞啦」。港九新界家禽批發零售商會主席劉松新說，活雞批發價近日是每斤27.5元，而零售價更已微升5元至每斤55元，預料冬至期間會再升30%至65至70元，一般一隻三斤重活雞，約需售200多元。「冇辦法，活雞供應少咗但需求又大。」他說，雞價升部份也因為飼料、人工及租金等也一直上升，「好在大吉利是，今年冇啲咩禽流感爆發，所以雞價已經未算好貴喇」。他說市民在佳節當前一般仍願意「高價接貨」。
食肆訂枱情況理想
部份家庭則喜歡趁冬至出外用膳，鴻星發言人說今年訂枱情況理想，最多人訂四位1,138元的鮑魚魚翅套餐，「啲客快咗訂枱」。叙福樓集團執董黃傑龍也稱，生意較平日多40%，與去年冬至則相若，部份屋邨分店更需一晚做兩輪枱，應付顧客訂枱。
他說，今年整體飲食市道只是平穩，尤其3、4月期間歐債等危機影響更大跌，至暑期才回升，故食肆都希望趁冬至等大節目，藉推更多優惠或新口味套餐來「年尾衝刺」。他說，來年全球包括本港內地經濟料也只是平穩，故希望食材價格未有像2011年般大升，食肆生意才可望繼續穩定。
《蘋果》記者