觀塘囍雲天酒家
【生意慘淡】
囍雲天酒家晚市生意慘淡，李經理說：「呢個做節嘅月份，以往平日都坐一半，而家一圍都冇，生意真係好慘，我們已轉用大昌行的大豆油，希望挽回生意。」
筲箕灣嘉豪酒家
【張貼告示】
嘉豪酒家已轉用獅球嘜芥花籽油，並在酒樓當眼處張貼告示通知客人，筲箕灣分店黃經理無奈表示：「生意跌四成，好彩食環署報告咁快出，希望客人有返信心。」
銅鑼灣旺記飯店
【轉用大牌】
登龍街旺記飯店負責人洪女士說：「報道一出已即時停用，轉用大牌子南順，但生意都冇咗兩至三成，家就算永興啲油冇事，都對佢冇晒信心，永不錄用。」
土瓜灣囍慶藝廚酒家
【客人退定】
酒家林經理說：「有個客訂咗酒席，啲親戚唔敢食要退定，我哋一定要澄清已轉用大昌行的油，買油單據和大昌行發出嘅健康證明貼晒酒樓四周。」
荔枝角裕滿人家
【圖挽信心】
裕滿人家分店經理鍾先生：「冇咗三四成生意，好多客人問啲油有冇問題，希望個報告可以盡快平息件事，一切可以還原，客人有返信心。」
九龍灣豚肉飯專門店
【艱苦招客】
負責人林小姐對於生意暴跌逾五成不禁哭起來：「以前午市排長龍，而家客人冇晒信心，好辛苦搵到個客，都會好多謝佢，永興的油仲貴過新買那隻，真係唔係貪平，好希望客人對我們重拾信心。」
