「This city is dying」被視為神級電視劇金句，八方覺得未必，因為香港仲有唔少有心人。建築師樓Oval Partnership老闆羅健中出錢出力，出版網上刊物Urban Diary《城市日記》，創刊號今個星期推出。內容講呢個城市唔只係消費、八卦或者謾罵，仲有好多人身體力行，思考點令呢個地方可以繼續發展。
第一期主角係許輝同凱恩，呢對夫婦係識得珍惜同感恩嘅人，知道呢個地球已經受到好大破壞，身體力行過低碳生活。許輝係全職農夫，做律師嘅凱恩就搞二手衫「認領」行動，認為咁生活先對得住地球。市民可到以下網站睇睇呢對夫婦嘅故事： http://www.ovalpartnership.com/urbandiary/001/。