應昌佑（Charles）跟拍拖九年的圈外女友Mandy結束愛情長跑，在上月結婚成為夫婦，之後就去了日本的東京，逗留了五天，作為新婚之旅，重遊昔日拍拖勝地。Charles又因滙率太高，在濕平時都要忍一忍手。
撰文：胡比
應昌佑表示原本太太Mandy想去紐約，但自己就想去歐洲度蜜月，但彼此都因為工作沒有長假期，故在時間許可下，最後選擇了兩年沒去過的日本，Charles說：「我同太太都好鍾意日本，之前因為福島核事故，一直都唔敢去，今次想再去，係因為想重遊我哋以前拍拖去過嘅地方，家身份唔同咗，想回憶一吓，而且東京都唔係重災區，所以就決定起行。」
沒趁機造人
問Charles有否趁機造人？他笑言每日行程緊密，不停狂食、狂行街，返回酒店已筋疲力盡，沒有時間造人。Charles表示今次最難忘是在新宿，巧遇當地的一個神社在一個公園舉行嘉年華，很多日本人穿上傳統的和服參與，現場有不少遊戲和地道小食攤位，人多得水洩不通，非常有氣氛，猶如香港農曆年的年宵市場般，令他們大開眼界。
在日本當然少不了要血拼一番，Charles坦言由於滙率實在太高，故濕平時都就住就住，他說：「其實好多牌子香港都有，而且仲平過日本，所以今次老婆就搵咗個outlet行，喺嗰度都買咗唔少嘢。」最開心是老婆給他的驚喜，靜悄悄在日本買了份禮物送給他，令Charles甜到入心。
去邊度：日本東京
玩幾耐：五日