大劉劉鑾雄一家日前陪腹大便便的紅顏知己甘比，為女兒秀樺上台獻唱打氣，非常溫馨。昨日大劉與另一紅顏知己呂麗君前後腳到灣仔福臨門午膳，問大劉可有為甘比好友徐濠縈捲入飯局風波出面擺平？他未有回應，匆匆入內午膳。昨日有讀者報料，指在醫院婦產科見到大劉及一班保鑣，不知甘比是否已入院待產。
此外，細劉劉鑾鴻太太Linda昨日與裕華高層余鵬春太太在中環出席樂施會義賣活動，兩人充當店員，Linda透露已加入義工行列十多年，最難忘到內地探訪，並積極支持義賣：「我覺得咁樣好環保，今次我都拎咗幾袋衫同手袋嚟，有啲係屋企人嘅。」對於甘比預產期在即，Linda即封嘴。
採訪、攝影：林嘉慈、盧妹