世界短池游泳錦標賽周日終於結束咗，美國成為賽事大贏家，總共得到11金8銀8銅27面獎牌，比起獎牌榜第2嘅中國多出16面咁多，真係巴閉。美國泳手洛捷迪就係贏家中嘅贏家，佢喺整個大賽個人包攬6金1銀，即係美國有大約四分一嘅獎牌都係由佢所得。咁好表現，就幫佢順理成章奪得賽事最佳男泳手獎。