港交所（388）月初完成收購倫敦金屬交易所（LME），過百億咁貴買番來，梗係要話畀全世界知，港交所已經變得幾咁國際化，於是喺完成交易當日，就推出一個全新港交所網頁，一路用開來睇上市公司通告嘅港交所網站就繼續喺度，並行使用。港交所新網頁係一個公司網頁，專放港交所嘅資訊，可以分類睇到LME同內地合資公司嘅資料，首頁仲有大大張香港同倫敦景嘅相，一睇就知同倫敦有啲關係，裏面都有「披露易」一欄可以連結去睇上市公司通告。對於廣大股民來講，最緊要都係披露易唔好再出事囉。