經營時間廊嘅寶光（084）最近幫自家品牌「鐵達時」推新一輯廣告「100年之約」，條橋講婚姻續約，喺離婚易過借火嘅年代，令人好易感動。寶光主席黃創增（Joseph）都好鍾意呢個廣告，指舊年「雜物小姐」嘅廣告太複雜，今年用男主角獨白嘅方法來講故仔，大家易明啲。
廣告一出 客仔搵錶
佢話，條橋係廣告公司McCann一位後生仔度出來，佢哋一班高層聽完就扑鎚，事關講婚姻問題容易引起共鳴，又食到時間呢個主題。成個廣告喺上海拍攝，製作費1000萬，Joseph話物有所值，因廣告一出，就有客落舖搵錶！