狼振英嘅僭建醜聞鑊鑊新鮮鑊鑊甘，就連經常批評佢嘅全國人大常委范徐麗泰都諷刺話呀，狼英嘅僭建「天天有新事」，點評論到咁多？最難得係狼振英面對各界圍剿，都好似若無其事咁囉。
網民「橄欖啜核」 、「伍仔」同「窮飛龍」，實在頂唔順狼英咁厚顏，夾手夾腳將譚校長首《愛情陷阱》改寫為《誠信陷阱》，歌詞句句入肉，例如「我並未曾說，有僭建四圍建，死都不知錯」、以及「我沒認、我沒認、我沒認，吹我唔脹！」再加上惡搞MV有狼振英大頭配上「北京失望」等字樣，實在令唔少觀眾拍爛手掌。
唔知即將接見狼英嘅中央領導人，會唔會都覺得呢首歌好到肉呢？