周日拓荒者主場對黃蜂，齋聽戲碼好似爭咁啲，不過今場有兩大最佳新人獎候選人，尼拉特同「一眉狀元」安東尼戴維斯硬碰，即時有番啲睇頭。有主場之利嘅尼拉特得16分，後者都係得15分，好似靜咗啲喎。梗係唔係啦，主隊之所以可以95:94險勝，都係多得前者喺完場射入咗個絕殺3分波咋；有今場表現打底，尼拉特喺新人獎之戰可以話係先贏一局！