【大話特首】
【本報訊】特首梁振英赤柱舊居2001年復修僭建地下宮後，其後被發現開鑿神秘透氣孔，用途未明；未有公開交代的梁振英昨日厚顏稱，處理僭建最重要是「將事實攞出嚟；做錯嘅亦都應該要承認」。不時批評梁振英的全國人大常委范徐麗泰昨拒評梁的僭建醜聞，「天天有新事，我唔評論得咁多」。
梁振英昨出席港台論壇時被主持人追問僭建風波。他直認大宅僭建對政府造成困擾，「但最重要係將事實攞出嚟，向大家交代；我哋有咩地方做得唔好嘅、做錯嘅亦都應該要承認」。但他至今未交代赤柱大宅僭建問題，包括透氣孔的用途；發展局局長陳茂波被問及赤柱大宅一幅牆壁設有氣窗，只稱署方已聯絡大廈其他業主，確定情況後再交代。
「誠信係核心價值」
范徐麗泰昨在一論壇上談到香港有甚麼核心價值、對全中國有價值和影響時，意有所指謂：「除咗法治和自由，我哋仲有其他核心價值，就係我哋嘅誠信……內地乜都可以係假，但我哋香港係唔得，我哋香港唔接受呢樣嘢。」范太會後否認言論針對梁振英；當記者追問梁的僭建醜聞時，范太諷刺地說：「 天天有新事，我唔評論得咁多。」
工黨議員李卓人周三在立法會提出用權力及特權法，調查梁振英僭建問題，他批評梁從沒有說出事實，「赤柱間屋僭建規模有幾大無交代過，點解偷偷摸摸封咗地下室又未答？一路有好多大話，佢冇交代；如果仲話將事實攞出嚟，係最大嘅大話」。
赤柱密室或有秘道
本身是土木工程師的公共專業聯盟召集人黎廣德估計，赤柱大宅可能有密封空間，只能經秘道出入，因此須加設氣孔，「如果你唔係想繼續用嗰個空間、密室，無乜理由要挖個氣孔出嚟咁煩」。雖然氣孔不大，但他指在氣孔下裝抽氣系統，密室便可用作如酒窖、卡拉OK房或康樂室。他續指，正常人處理僭建，最便宜的方法是以泥沙堆填，毋須安裝氣孔；而從新聞圖片所見，氣孔槽應有數米長，要從另一端挖隧道般，一路用人手挖泥，一路鋪石屎。他認為屋宇署若有心追查定能發現，縱然找不到密室入口，亦可用超聲波儀器探測，了解是否另有空間。