香港不少人欺善怕惡，專恰弱者，將情緒發洩在打老婆、罵仔女，甚至虐殺手無縛雞之力的動物身上。最近沙膽虹亦發覺，茶客會為條魚蒸得不夠熟大罵夥計、碟蜆炒唔靚就炒蝦擦蟹；車主或司機明明自己唔啱，在鎖車範圍內將車停下後離開，被保安員拍照鎖車後大罵人家娘親；在機場接機的車輛大模廝樣停在斑馬線上搬行李，被保安勸喻離開時又污言穢語等等，真的可惡，簡直令人氣憤，月賺一萬的保安員只是盡自己職責，做錯的擺明是車主司機，竟還惡人先告狀罵人，若然這個是差佬而不是一般保安員，司機夠膽用同一番話鬧阿Sir，沙膽虹才真正服咗你，不然只是恰保安，欺善怕惡，算甚麼東西！
一位機場保安員說：「我們見到車輛停在斑馬線上落客，如果唔去叫佢走，閉路電視見到會俾主管鬧，叫佢走又俾人問候娘親，真的難做。」聽到沒有，希望各位看官，有壓力要出氣都唔好搵弱勢的保安員或茶樓夥計出氣！
沙膽虹