近期唔少價殘中資股大翻身，三大內地電力設備股近月升逾一成，反觀有份產銷火電及核電機組所需葉片嘅上海集優（2345），僅升3.9%，追落後空間更大。
集優主要產銷葉片、軸承、刀具及緊固件，應用範圍廣泛，包括電力、航天、汽車、鐵路等，與經濟關聯度甚高，中央未來以基建谷增長態度明顯，集優肯定受惠。截至6月底止半年盈利倒退22%，至1.1億元（人民幣．下同），令股價表現不振，投資價值卻因此浮現，現價年度化市盈率不足6倍，平得可憐，息率卻高達4.3厘，加上海嘯後連年增加派息，未來息率只會有增無減。集團獲多隻大型基金垂青，包括鄧普頓及新加坡GIC等，年結臨近，粉飾櫥窗隨時湧至，集優又多一個炒作概念。
集優上周五收報1.08元，升2.9%，突破50日線之餘，成交亦有倍數增長，唔排除有聰明錢率先入場，以7倍PE做目標，可見1.27元，潛在升幅18%。
唐牛