【擴張背後】
翠華有分店位處商業中心地帶，名氣較高，不少富豪、明星皆為其客仔。本港富豪如新地（016）聯席主席郭炳聯，連內地富豪榜排第三、大連萬達集團董事長王健林，原來也愛幫襯翠華。
李遠康透露，翠華會進入武漢開店，都是這因這位「超級富豪」的邀請，「王生在香港食過翠華，然後又到上海分店幫襯過，發覺香港茶餐廳喺內地都保持得到食物質素，所以就開始邀請我哋去武漢、佢嘅物業入面開舖。」
王健林：大膽開條件
李遠康表示，由於擔心進軍內地會「水土不服」，原本只計劃初步只在上海發展，「我哋起初都拒絕佢，不過王生叫我哋大膽啲開條件，佢會支持我哋，最後先傾成。」
翠華預計未來三年，在內地開設約22間分店，大多會在上海。「翠華喺內地大部份菜式同香港一模一樣，只有少少好似水煮魚咁嘅當地菜，同埋有燒味賣。內地客明白乜係香港茶餐廳文化，就算二、三線城市，好多人都知茶餐廳係點。」