Traders落盤見得多，但豬八戒、唐三藏坐喺電腦面前落盤真係嚇人得來又搞笑！
上周五瑞銀（UBS）員工為慈善，放工後拋開老西同高跟鞋，大搞扮嘢派對。全場中西合璧，除咗中方代表豬八戒、才子佳人外，仲有馬里奧兄弟、法老王同近期hit爆嘅哈比人，唔知仲以為開緊聖誕派對。
攞到全場最佳服裝獎，係Johnny（于正人）同Anita（李靄欣）帶隊嘅衍生工具部門，佢哋一個扮風流才子，一個扮絕色佳人，維妙維肖！
Johnny話，呢個活動辦咗幾年，主要係趁聖誕節幫助Operation Santa Claus籌款，協助有困難嘅老人家同殘障人士，好玩得來又有意義。