求驗客手記:<br>長友有錢途過香川

求驗客手記:
長友有錢途過香川

《樂》國際米蘭啱啱喺上周六意甲輸波,不過日本後衞長友佑都喺呢場波嘅表現就依然相當唔錯。據講國米球會方面亦都希望可以長時間留住長友,雖然後者合約要到2016年先到期,但球會打算近期內同佢再續多一年,年薪仲會加到365萬歐元,即係大約3,700萬港元。雖然呢個數目同頂級球星嘅人工仲差好遠,但長友一旦成功續約,就會超越曼聯香川真司嘅320萬歐元,成為歷來最高人工嘅日本球員。