【充滿信心】
雖然翠華上市後股價一度累升近兩成，但升三日後即掉頭回落，惟至今尚未跌穿招股價2.27元。
儘管如此，這已足夠李遠康身家暴漲，按翠華市值約33億元計算，其持股份價值約9.4億元，還未計其自置舖位及山頂豪宅，名副其實是幾十億富豪。
「IPO集資得來嘅錢，唔係入我自己荷包，全部用嚟係大陸開分店，搞中央廚房。」李遠康強調「唔係為身家而上市」，他是希望企業管治「做好啲」，「我哋係代表香港茶餐廳文化，我唔想丟架。」
票房慘淡 暫棄電影夢
李遠康多次強調，公司要發展「承傳係好緊要」，但他不擔心有日會好似鏞記般股東不和，要爭產，「一啲都唔驚，我哋冇咁多身家分！同埋我哋唔係私人公司，集團有足夠透明度，唔會咁容易發生（爭產）。」
不過，記者多次問李遠康子女是否都在翠華工作，會否接班，李遠康都只「很玄地」稱：「細路仔仲學緊做人。」李遠康強調自己尚年輕，「永遠都係奮鬥期」，未打算淡出翠華。而他09年開始投資過動畫《反斗高比3Ｄ玩轉聖誕城》及電影《熱浪球愛戰》，票房都慘淡收場，李遠康似乎暫無意延續其電影夢，「總之會集中做好翠華。」