一上任就搞釋法破壞法治嘅律政司司長袁國強，上任五個多月就食指大動，用105蚊時薪請合約廚師，去佢官邸煮嘢畀佢食。袁國強都可謂唔話得，因為大快活都係用時薪40幾蚊請廚師、Pizza Hut就用50、60蚊請人，用成一嚿水有多請人，袁國強真係頂爛市。不過，重金禮聘請人，都唔係人人都做嚟，袁國強講明要申請人精通中菜、識煮西菜就仲好，起碼做過中廚六年。每周六天工作，每天工作四小時，但冇飯鐘錢㗎；有時要OT同埋喺公眾假期返工。八方唔知袁國強鍾意食咩，但可以肯定嘅係，佢應該鍾意食煙多啲囉。