《美國小學槍擊案球圈反應》
勒邦占士 熱火前鋒
「我真係好心噏，小朋友對於我嚟講可以話係一切！我仲要有兩個細路讀緊小學，真係想像唔到如果今次事件發生喺佢兩個間學校。我全家同我都一定會好心痛！一定要做啲嘢防止呢啲事再發生。『自由之土』真係廢話！」
杜蘭特 雷霆前鋒
「為受槍擊案影響嘅康涅狄格州家庭祈禱。唉，真係好傷心呀，糟透！」
奧尼爾 NBA名宿
「我會為康涅狄格州紐敦市嘅家庭祈禱。呢啲事唔應該發生喺我哋校園入面，更唔應該發生喺世界任何一個角落。」
安東尼戴維斯 黃蜂前鋒
「依然理解唔到喺康涅狄格州學校發生嘅悲劇。為被影響嘅所有人送上祈禱。」
D吉遜 騎士後衞
「好攰，不過真係休息唔到。我依然諗起無辜嘅小朋友被殺，一班唔知點算好嘅家長，同埋眼有淚光嘅總統，都令我心有餘悸。」
雷霆官方twitter
「代表全個雷霆球會同埋我哋嘅球迷，為受今日慘劇所影響嘅康涅狄格州家庭祈禱，並致以最深切嘅哀悼。」