希斯基今夏過檔澳職嘅紐卡素噴射機搵食，喺他鄉算過得唔錯，但最近竟收到一單晴天霹靂嘅壞消息，就係噴射機嗰班主原來欠稅176萬鎊（約2,200萬港元），面臨清盤危機，如果唔好彩真係執笠，希斯基又要搵新球會；另一名同樣過檔澳職嘅球星迪比亞路，唔好得希斯基好多，佢隊FC悉尼上周六主場又輸咗畀西悉尼流浪者0:2，繼續排榜尾，睇嚟佢真係揀錯會！