3個月前實牙實齒話為咗年尾慈善賽，一定要減肥成功嘅「大哨」朗拿度，果然有口齒。西班牙《馬卡報》最近就登咗一張大哨親身證明自己瘦咗嘅近照，相中佢赤膊上身好有自信喺鏡頭前影相，見到佢成條車胎真係唔見咗。據報道話，大哨減咗超過40磅，腰圍都減咗成6吋，唔知有冇纖體公司肯簽佢拍廣告呢？