【本報訊】上「梁」不正下樑歪，特首梁振英赤柱大宅再被揭發僭建密室，令村民有最佳理由拒絕申報僭建物。住在元朗新田村文先生直言：「CY都挖深咗啦，我哋一家七口住四層村屋，成副身家擺喺度。」葵青區議員梁志成認為特首其身不正，難以說服新界村民，「梁振英、唐英年同高官都僭建，但係一啲問題都冇」。
新田村約過百位村民參與集會，村民文先生強調村民因居住環境狹窄才僭建，現時連政府高官都被揭發「挖深咗」，政府不應只硬拆村民的僭建物，否則只會導致官逼民反。住在天水圍的鄧先生表示僭建現象普遍，連特首亦不例外，「梁振英僭建當然唔啱啦，但僭建唔係得佢一個，喺全香港各地都有人僭建，半山區邊間嘢冇僭建?」
區議員梁志成直言，新界村民對要申報僭建物不服氣，「要申報全港一齊申報，連CY都要，佢挖深咗咁多」。環保觸覺主席譚凱邦慨嘆梁振英其身不正，拖累政府在新界推行村屋僭建申報計劃，「家政府處理新界僭建舉步維艱，都係源於政府好多高官都僭建」。