寰宇老闆林小明與趙雪英離婚後，兩人爭拗不斷，後來連李彩華（Rain）都牽涉其中，還被林入稟告她誹謗。前晚《我老公唔生性》在尖沙嘴舉行慶功宴，林小明與導演阮世生、黃柏高、鄭伊健和蔡卓妍（阿Sa）都有出席，由於該片在中港和大馬三地票房合共已有3000萬。林小明笑笑口似有所指說：「部戲票房算係唔錯，我想拍第三集《我老婆唔生性》 ，已叫導演快搞。」
鄭伊健聽到第三集片名忍不住會心微笑說：「我明嘅！我明嘅！不過會唔會開得太急呢！」 阮世生就表示：「其實最好等伊健或阿Sa是但一個結婚生咗仔之後，我先拍第三集會比較好，因第三集我係講佢兩個已經為人父母。」阿Sa聽後即指住伊健說：「叫我同佢生？唔係嘛！」伊健就回應說：「咁睇怕都開唔成啦！」
採訪：譚倩宜、攝影：陳俊強
