【本報訊】地溝油事件害得業內人士風聲鶴唳。在涉嫌秘製地溝油的葵涌永興油行樓上、同樣做食油批發的新德貿易公司，無端捲入事件，連日來被誤當「地溝油同黨」，商譽大受影響，老闆大嘆：「真係被佢累死！」
客戶失信心 生意大跌
「永興行喺二樓，我哋喺三樓，咪搞錯！」以「豐嘜」經營食油批發40年的鄺福民直言，永興油行被食環署爆門大搜查當日，連累在樓上開業的他同樣被巡查，消防和食環署到場的情況，在各大傳媒報道下曝光，令光顧他多年的客戶都誤以為他是同黨，每日查詢電話多達數十個，生意大跌。
為了以正視聽，鄺福民除刊登澄清啟示，還馬上將他們批發的食用油進行化驗，但奈何化驗結果還要等兩星期，客戶信心大失，「我哋有好多大集團嘅客，但係畀晒衞生證明同批文佢哋，都冇用！」
在人人聞油色變下，本報繼續接獲多宗地溝油爆料。另有讀者發現被指有份用地溝油的酒家，在團購網推售賀年糕點，聲稱擔心網友中招。而今次本港地溝油事件，亦引來內地傳媒廣泛報道。