點解一個誠信備受質疑嘅人可以做特首？點解一個大話冚大話嘅689，你都耐佢唔何？其實同MPF受託人服務曳、表現差你都要焗住用一樣，皆因冇得揀，阿爺應該考慮向MPF偷師。
大家有得揀增加競爭，就算你有阿爺照住，如果唔向前行只有被淘汰。好似固步自封十多年、一心靠中資客食老本嘅國壽（2628），在競爭下都要逼住加強服務。國壽MPF客戶本來只可透過郵遞及傳真轉換基金，基本上同叫你唔好轉冇乜分別，MPF半自由行推出，該公司上月底即推出互聯網轉換基金及更改成員資枓服務，且次數不限，正午12前提交轉換指示可以即日價格轉換，兩日內完成。改革開放令國家進步，一人一票選特首可令香港進步，要MPF制度進步，除全面自由行外別無他選。
魯毛丘