【澳門直擊】第55屆亞太影展頒獎禮於昨晚在澳門威尼斯人酒店舉行，今年的亞太影展出席的紅星寥寥可數，星光暗淡，僅得劉青雲與梁家輝出席，大部份嘉賓都是無綫姐仔和小生來撐場，幸好擔任評審的劉嘉玲以開胸透視裙壓軸出場行紅地毯，總算為大會挽回一點面子。
前年在台北舉辦完第54屆亞太影展後，第55屆就移師到澳門舉行，而且今年更找了曾志偉做籌委會執行主席 ，但今年行紅地毯的影星僅得劉青雲夫婦、梁家輝、何韻詩、陳意涵、張榕容和鈕承澤，星光暗淡，反而無綫派出一眾花旦、小生如徐子珊、賈曉晨、岑麗香、馬國明及黃宗澤等出席撐場。
偉仔送卡賀壽
幸好擔任評審的劉嘉玲，昨晚識做地以一襲黑色開胸透視裙行紅地毯，艷壓群芳，成為全場最矚目女星，問她剛過去的47歲生日是否與老公梁朝偉一起歡度？她笑說：「偉仔仲拍緊戲（一代宗師） ，所以唔得閒返嚟同我慶祝，今年生日好平靜咁度過。」問到偉仔送甚麼禮物給她？她表示：「最寶貴係佢寫咗一張好有心思嘅賀卡畀我。」
嘉玲今次擔任評審，問會否有壓力，因為梁家輝同劉青雲都係朋友？她回應說：「唔會，其實仲有好多唔同地區嘅評審一齊評分，做完評審我先明白，睇戲原來可以有好多唔同嘅角度。」
青雲心情輕鬆
劉青雲上個月偕太太郭藹明（Amy）去參加金馬獎，結果終償金馬影帝夢，今次又帶老婆去亞太頒獎禮，是否想再下一城呢？青雲笑而不答，Amy搶着說：「邊關事，咁多次提名，都係攞過兩次。」青雲指自己昨晚心情輕鬆，反而今日能見到其他國家電影製作人，希望將來可以有合作機會。
賈曉晨昨晚應大會邀請擔任表演嘉賓之一，她表示：「我今晚表演功夫之前都為呢個表演有操練。」記者問她男友樊少皇有沒有教她打功夫？她說：「佢只係教我喺畫面上姿勢靚就得。」
採訪：魯萍
攝影：黃文偉、仇志德
