葉玉卿前晚完成賀歲電影的拍攝工作，並於昨晨乘早機飛返美國。清早六時許，卿卿由兩名女友人陪同下現身機場，一臉倦容的她表示通宵沒有睡。有指卿卿老公Jeffrey一直不贊成她復出，但幸好最終答應了，讓卿卿可以陪母親度過最後的日子，但以後不准她再拍戲。
問卿卿是否知媽媽身體支持不了，才返港拍戲？她說：「我有咁覺得，但唔敢咁講，唔想諗佢唔撐得幾耐，只覺得能夠見面就要見，要好好珍惜，都係命中安排。佢呢段時間去都唔係壞事，始終媽媽89歲，唔算痛苦，相信佢去咗個好好嘅地方。」卿卿又指母親彌留之時已交代一切，她續說：「佢好似回光返照咁，大家講咗好多嘢，可以話無憾。」她指會暫忘傷痛，準備與子女到夏威夷度假後，才回香港出席母親喪禮。
採訪：譚倩宜
攝影：仇志中