每年無綫頒獎禮，總傳出藝員以約換獎，今年也不例外，連陳豪也捲入換獎風波。憑《天梯》角逐視帝的陳豪直言不信此說法，本身已貴為視帝的他坦言今年信心不足，他說：「坦白講信心唔多，所以感覺好隨心。」雖然陳豪看淡獎項，但依然有指他用合約換視帝，他說：「如果係咁簡單就好，唔使咁辛苦，我反而追求以前羅嘉良佢哋年代嘅獎項方式，冇人會反對，佢哋先叫真正男主角。真正嘅男主角唔需要用獎去肯定，唔係獎等於人，係人等於獎，做得好已經係一個獎項，做得唔好畀個獎你都冇用，所以我覺得羅嘉良係真正視帝大哥大。」
對於視帝視后大熱，陳豪坦言欣賞黎耀祥的演技，視后則未有留意。那麼角逐視后的女友陳茵媺呢？陳豪說：「佢梗係我心目中嘅女主角，呢個就一定㗎喇。」再奪視帝會否公佈婚訊？他說：「 唔會拉埋一齊，男婚女嫁係兩個人間嘅溝通，到咗成熟自然會拉埋。 」撰文：王崇穎