黃智雯在台慶頒獎禮中，獲飛躍進步女藝員及最佳女配角雙料提名，她早前到六福試戴價值二百萬的珠寶，亦特意訂做戰衣：「若上台攞獎係值得留念時刻，扮靚係唔可以少。」宅男女神苟芸慧及岑麗香同躋身飛躍女藝員之列，黃智雯要突圍並不容易，她說：「我對飛躍信心大過女配角，但壓力嚟自兩大宅男女神，我都有信心，優勝之處唔同。」
不再鵪鶉妹
黃智雯在前年的劇集《搜下留情》飾演鵪鶉妹一角為人熟識，她說：「家唔係以前嘅鵪鶉妹，可作多方面嘗試。」今年她在《缺宅男女》飾演巴辣人妻關二嫂令人留下深刻印象，亦憑此競逐女配角獎項：「關二嫂個師奶角色乞人憎，夠搶同爆，家啲人仲記得，好滿足。」不過黃智雯還是對飛躍獎項較有信心：「係時候想飛躍，女配角之後再諗。」在《缺》劇中梁烈唯飾演黃智雯的另一半，唯唯亦有份競逐飛躍男藝員，她說：「我出道已同佢合作，見住大家進步，若聯手攞獎會好感動，佢攞獎我一定喊。」
撰文：卓寶花