中環人扮爆「政壇王菀之」，男男女女勁噏的潮語，當然就是「我討厭政治，but……」下文是，既然雜誌說阿爺有Plan B大計，曾俊華是頂手大熱，這樣，大家趁住歡樂時光，玩吓估領袖遊戲。
曾經佔領中環的綠色背包小友建議：「不如替曾俊華發動佔領禮賓府突擊行動，Twitter一呼百應，網友冇一千都有九百現場撐佢。我最想將禮賓府當民宿。」
喜歡城市但歸隱鄉郊落田種菜的索女反建議：「老僧入世，不及Plan C的淋糞大熱！淋糞賣晒手頭上的肥田後，就有資格問鼎凸首。」
念化學但做了十年編輯的哥哥仔搶白：「淋糞的確硬，本身已經屎，還怕傳媒扒糞？如果Plan C上畫，行家實丟飯碗，到時擔屎被迫要偷食，實證什麼是食屎屙飯！」
夢想當二次創作總監的小強，承認有諗過扮習總打電話，「唔係打俾狼凸而係打俾波哥，叫佢做好Plan D上位準備。到時就可以睇『英波』打吡大戰，爽過英超！」