【本報訊】《一手住宅物業銷售條例草案》今年6月通過，最快明年正式生效。環保觸覺質疑，長實長沙灣新盤「一號．西九龍」取巧賣樓，樓盤廣告文字及圖片標榜鄰近西九文化區、高鐵站，易令買家誤以為物業於港鐵九龍站上蓋；單位設計奇特，客廳與主人房對望。而且樓盤不設示範單位，準買家只可參觀展覽廳。
「一號．西九龍」為政府10月推出「雙辣招」後首個開賣新盤，樓盤共有兩座，單位建築面積由682呎至1,300呎不等，不設示範單位。環保觸覺主席譚凱邦質疑長實誤導買家，「買樓花示範單位好重要，我覺得發展商為咗唔整清水房，連示範單位都唔做，令人失望。」
譚凱邦續指，樓盤廣告採用西九文化區及高鐵站的相片，描述樓盤「擁策略性高鐵地利」，「廣告包裝到好似喺九龍站，雖然佢冇提過喺九龍站，但啲圖片、文字形象化到令人覺得好似喺九龍站上面，實質喺荔枝角，兩個地方距離好遠。」
不設示範單位
他指斥「發展商唔夠自律，趁（一手樓條例草案）未實施前用返舊嗰套手法賣樓，連示範單位都唔搞。」
而該新盤最「奇特」的地方在於單位圖則，其中D室客廳的窗台外望景觀竟然是同單位的主人房，「客廳嘅窗台對面喺自己嘅主人房，設計好奇怪，唔知點解發展商咁做，成個廳八成景觀都係望番自己層樓。」