苟芸慧於頒獎禮中獲女配角及飛躍女藝員兩項提名，為隆重其事，她找來Dorian Ho度身訂做戰衣。問到可有信心奪獎？她坦言：「有信心，但仲需要好多進步空間，已做好心理準備當晚着得靚靚，坐低睇騷同支持有份提名嘅演員，有提名已係一種肯定。」首年參加頒獎禮的苟芸慧直言：「好興奮，初初知有提名嗰時仲幻想上台講乜，成個人會驚同緊張。家以平常心去面對，最緊要當晚靚。」她坦言當初只為圓母親心願才入娛樂圈：「入咗行都好開心，學到好多嘢，好多前輩教我。」
對於與岑麗香比較，苟芸慧坦言大家路線不同：「我對佢好有信心，佢本身好得意，觀眾一定會鍾意。我唔介意比較，有競爭先有進步。」對於獲公司力捧，她說：「我唔知係咪叫力捧，只係咁啱有機會，我會好好珍惜同努力。」她更希望挑戰演精神分裂者，做個內外兼備的女藝員：「想同陳豪同黎耀祥合作，相信佢哋好肯教後輩。」
撰文：王崇穎