曾經兩度稱帝的黎耀祥，柴九一角令他的事業登上高峯，同時也令一眾默默耕耘的資深演員燃起新希望，只要努力，終有日會獲賞識，今年憑《大太監》李連英一角再競逐視帝的祥仔笑說：「估唔到做咗革命者，覺得自己好似背負一啲意義同責任，我唔只係演員，仲係一個成功嘅人，每一個人因為你而有鼓勵，每一個人都因為你而感覺呢個世界有希望。」
「獎唔會你攞晒」
那麼祥仔壓力會否更大？他笑笑口說：「有好有唔好啦，我只係想毫無壓力，兩袖清風做好好享受。不過你冷靜完會諗吓，呢個係你嘅存在價值，當然壓力又真係好大，因為大家將期望擺喺你度，覺得你係完美嘅神，但呢個世界冇完美，受打擊比人大一百倍，搞到我有時好攰想停落嚟都唔敢，但我真係想講，我都想停落嚟。」
到底這一切得來不易，祥仔坦言：「我覺得人生好圓滿，由寂寂無聞到家，每次都承接到機會。我嘅經歷比任何人都豐富，每個階層嘅經歷都行晒，我功德圓滿。獎項真係冇所謂，我又唔係冇攞過，你想攞，攞埋今次，咁下次呢？下次再下次呢？啲獎唔會係你攞晒，遲早有一次係結束，以後都冇獎攞。」
撰文：何慧斯