曾幾何時，利物浦球員是型英帥靚正的代名詞，以麥馬拿文為首的「辣仔」（Spice Boys），風靡萬千少女。不過，時移世易，現在紅軍陣中「光頭黨」當道，不少主力都光頭示人。
老麥靚仔look不復見
在現時紅軍光頭黨中，資歷最高的要數門將連拿，另中堅史卡迪爾亦鍾情skinhead ，連左閘荷西安歷基在季初亦引刀成一快，把頭髮剃掉。雖然眾光頭黨可能夠型夠粗獷，但就未能像辣仔時代的麥馬拿文、列納及占士等，帶給球迷視覺享受。
不過在這一眾光頭黨中，卻有一人並非自願，他就是新星舒維爾。這名20歲中場，因患上全頭禿（alopecia totalis）才會變成光頭仔；幸好患上此症無損舒維爾於場上的表現及個人自信，而他更可說是紅軍今屆亮點之一。
雖然紅軍近年動輒斥巨資入錯貨，但在2010年5月以170萬鎊由查爾頓購入舒維爾，則絕對是明智之舉。舒維爾是通天老倌，多個位置都能勝任，上仗代停賽的蘇亞雷斯踢前鋒亦表現突出。對此他說：「只要能為球隊出力，我由後衞到前鋒任何位置都可以出任；特別是在攻擊方面，我一向都擅於闖關。」
文：吾中