阿仙奴最近成績低迷，領隊雲格遭到班球會名宿圍剿，無論係前領隊格拉咸，甚至佢以前嘅愛將比堤同柏奴亞，都喺度加把口；但家連球會股東烏斯曼諾夫都開口，叫雲格應該考慮搵亨利返嚟做助手，一齊帶領兵工廠爭標。呢位俄羅斯人話如果亨利冬季轉會窗落實返嚟，佢希望對方唔好只係做球員踢波咁簡單，而係幫手做吓教練團啲工作。