【本報訊】警方前日拘捕涉嫌襲擊前立法會議員詹培忠的三名男子，經調查昨日准以保釋候查，下月中須返署報到。對於警方拘捕涉案人士，詹培忠昨日回應稱不認識三人，相信他們是受人所託。
消息稱，被捕三人分別為31歲姓何的士司機、報稱無業的31歲姓林，及31歲姓何男子。各人均有刑事案底，但沒有黑幫背景。案發在上月20日下午3時46分，詹培忠在金鐘統一中心外被三名戴口罩男子襲擊，詹被打至眼腫面腫及口爆受傷。警方調查後，前日下午4時分別在紅磡一車房拘捕姓何的士司機，及在金鐘和上環港鐵站拘捕其餘兩疑人。
「無糾紛係自欺欺人」
詹培忠昨接受《蘋果》記者電話訪問時表示，警方昨晨通知他拘捕了三人，但無透露進一步資料，「我唔認識佢哋（被捕三人），相信佢哋係受委托做呢件事」。詹培忠又稱：「做生意幾十年，話無糾紛係自欺欺人。」但他強調其做人宗旨是從不佔人便宜或令人蒙受損失，「但係近年來呢，你知社會風氣有時都好難講，故此究竟今次係點樣情形，有賴警方進一步作出評估同調查」。
問到他遇襲是否與其兒子生意糾紛有關時，詹培忠就稱「相信唔關事」，但又意有所指說：「呢啲嘢根本係莫須有，我哋從來唔佔人便宜，但係出面有啲人亂咁來，不過無論乜嘢理由，佢哋都唔應該咁做，尤其我做政治咁耐，係比較敏感，如果係涉及國內的，就更加唔啱。」他又笑言以後或會減少做生意，「以後咪少啲做囉，我都老咯，都唔使做啦」。詹又強調，從政時一向都愛講真話，不愛講假話，「如果因為講真話，而蒙受不必要麻煩，都係應該承擔的」。
詹培忠指事件反映香港警方不是一無是處，「但係咪能夠持之以恆，同埋結果水落石出，目前我個人唔想加以評論」。根據詹培忠昨日在淺水灣自拍的照片顯示，其遇襲的傷口已完全康復，詹培忠亦笑說:「身體基本上已恢復晒，只係有少少痕迹，但無所謂啦，我又唔係女人，唔使扮靚。」