無綫劇集《雷霆掃毒》昨晚舉行慰勞宴，上月劇集播畢後傳出車震事件，男、女主角黃子雄和吳綺莉自傳聞後首度同場，兩人否認傳聞更大方合照，吳綺莉強調接受不到車震，黃子雄則自爆座駕好細：「撞嚟撞去會撞瘀。」
無綫行政主席梁乃鵬昨晚在將軍澳電視城西餐廳設宴款待《雷霆掃毒》台前幕後工作人員，出席藝員包括吳綺莉、黃子雄、郭政鴻、黃智賢、官恩娜及徐子珊等，上月劇集播畢後，曾傳出劇中有一對男、女演員，在新界八鄉車震，被衝鋒車巡更時撞破，當時女方短褲脫落膝頭，被男方壓在身上，他們向警員求情不要公開，事件卻在網上瘋傳，事件的男、女主角有不同版本，其中包括黃子雄和吳綺莉。
傳聞後首度碰頭
昨晚兩人自傳聞後首度出席活動，記者要求合照時，黃子雄主動叫吳綺莉一齊影相，兩人表現大方，吳綺莉說：「唔尷尬，覺得好笑，聽講係紀律部隊開玩笑，自己冇唔開心，可能自己喺劇中做女警，所以俾人笑。」吳綺莉否認電力強惹禍，坦言不太接受車震：「男女有乜都唔應該喺街做，冇人要求過，自己都唔會。」
至於男主角黃子雄亦謂得啖笑：「我同吳綺莉唔熟，拍劇會傾偈，拍完冇聯絡，只係喺化妝間見到打招呼，我喺劇中做佢男友，佢好nice，見面唔會尷尬，唔知點解自己有嫌疑。」
問黃子雄有否試過車震？他笑言：「犯法㗎，細個睇荷李活電影，啲人冇地方做就去第二度做，自己架車好細，好辛苦，點解唔搵大啲地方做，空間咁細，撞嚟撞去會撞瘀。」問是否試過才知會撞瘀？他再否認：「冇，咁細地方都郁唔到。」
徐子珊全力拉票
此外，候選視后徐子珊透露昨日拍電影時全力拉票，有百多張收穫，她否認種票，對於謝天華笑言被她威逼投票，子珊說：「冇逼佢，只係洗腦。」問會否叫楊怡投票給她？子珊坦言唔夠膽，笑說：「羅仲謙嗰票我輸畀佢。」
採訪：王崇穎
攝影：陳慧安
一人一票投蘋果【萬千星虧】，對撼 CCTVB 公投↓↓↓
http://tv-voting.appledaily.com/