周秀娜近年模而優則演，參演的電影越來越多，早前她以師姐身份跟師弟趙勁皓（King）合作拍微電影，片中娜姐的男友失蹤，她就與King發生關係。另一演員詩雅則透露，自己於低溫下要下海自殺，為免冷病影響拍攝進度，所以吃定感冒藥打底。
周秀娜、趙勁皓及詩雅等早前為網站goyeah.com拍微電影《兜售回憶》，三人日前接受訪問大談拍攝感受。
是次以大師姐身份拍攝的娜姐，與King有多場對手戲，King坦言非常緊張：「我今次第一次拍戲，雖然對手主要係見慣見熟嘅師姐，但係都好緊張，有啲親熱戲都會覺得尷尬。」
記住男友陣味
問娜姐如何助師弟入戲？她笑言：「我又冇咁勁，不過我相信只要拍攝前有足夠溝通同交流，拍嗰時就會好舒服同自然，所以我呢輪都有多咗同King傾偈㗎！」
娜姐於片中因感覺King跟失蹤的男友相似而發生了關係，問她現實中，以往每個男友是否也屬同類型或感覺近似的人？她說：「唔會，我決定咗同新男友一齊，就放低咗以前嗰個。不過講真，每個男人身上都有陣味，試過分手後，喺地鐵聞到前男友陣味，都會即刻四圍望，睇吓佢係咪喺度。」
詩雅食藥打底
詩雅則要在同一天內分別到海灘及冰池拍自殺戲，她說很怕冷病而影響拍攝進度：「拍嗰時得十幾度，甚至更低溫，而且只係着啲好薄嘅衫，所以怕凍病，拍唔到下一場，於是食定感冒藥打底。」拍過不少電影的詩雅坦言，今次拍微電影的感覺新鮮，她說：「因為拍微電影，準備投入角色嘅時間冇咁多，都係另一種挑戰！」
採訪：文國駿
攝影：陳志嵐
場地：The Air of The One
一人一票投蘋果【萬千星虧】，對撼 CCTVB 公投↓↓↓
http://tv-voting.appledaily.com/