【銅鑼灣加路連山道】港男出身嘅溫家偉出道以嚟都主攻幫無綫主持飲食節目，原來除咗學到識飲識食外，仲可以識女仔。同溫家偉合作主持《街坊廚神食四方》、又喺蘇民峰嘅《食得峰騷》同場過嘅關婉珊，前日就同溫家偉去咗銅鑼灣加路連山道一間叫Burger Room嘅食店嘆漢堡包。
口水多過茶
溫家偉同關婉珊揀咗窗口位坐，溫家偉負責畀錢買嘢食，見佢買咗個連薯條嘅套餐，杯飲品就留畀關婉珊，佢自己就齋食。佢哋仲節儉到將個包切開一半兩份食。食嘢期間講得最多嘢嘅居然係關婉珊，就算成口塞滿包都係咁講，但居然引到溫家偉笑得好開心。唔經唔覺食咗足足大半個鐘，關婉珊離開時順便攞埋杯飲品走，見佢着住短裙露出修長美腿。跟住溫家偉同關婉珊並肩而行，今次輪到男仔講嘢一直行到去白沙道都未肯收口。
採訪、攝影：梁繼光
一人一票投蘋果【萬千星虧】，對撼 CCTVB 公投↓↓↓
http://tv-voting.appledaily.com/