無綫找來19歲的恒生管理學院校花梁嘉琬（Whitney）為遊戲節目《決戰一分鐘》谷收視，她在鏡頭前以胸震和脷功兩招成功俘擄宅男。雖有天賦本錢成為模，但Whitney卻惜肉如金，堅拒賣肉上位，決定行清純路線，以台灣女神陳妍希為目標。
李克勤主持的無綫新遊戲節目《決戰一分鐘》為谷收視，第二集找來19歲、有「恒管薛凱琪」之稱的校花梁嘉琬出戰，她玩跑步遊戲時巨咪震撼螢光幕，之後又施脷功舔曲奇，兩招已成為宅男新寵，索女更被質疑做媒參賽，Whitney雖聲聲否認，但過完六關已有五萬現金落袋。
拒晒事業線
Whitney擁有一張上鏡臉孔，對演藝工作充滿憧憬，節目出街，她人氣急升，令她頓感壓力，Whitney日前接受訪問時說：「報道出街，我真係嚇窒咗，家行街多咗人望，Instagram由40幾人關注增加到600幾人，facebook又爆晒，工作又多咗，我都好開心。」
擁有巨咪纖腰的Whitney卻不願像其他模般以天賦本錢上位，她說：「身體髮膚受諸父母，唔可以立亂畀人睇，有啲人鍾意用呢啲做本錢，但我絕對唔會，情願靠實力行慢啲，我一定唔可以晒事業線。」
Whitney堅持只賣清純，即使有機會像湯唯露點夥拍影帝梁朝偉都冇得傾，她說：「我覺得喺呢行行性感冇乜保障，我怕賣完都行唔長，呢一刻我認為學業先最重要，始終學識係自己成世擁有，萬一我喺呢行站唔住，我都可以返去做繙譯。」醉心舞台劇的Whitney都希望可以登上大銀幕，她說：「我想拍好似《那些年，我們一起追的女孩》嘅戲，我睇呢套戲迷上柯震東，我要以陳妍希做目標。」
採訪：比華利
攝影：林德雄
服裝、場地提供：bread n butter
一人一票投蘋果【萬千星虧】，對撼 CCTVB 公投↓↓↓
http://tv-voting.appledaily.com/